佢喺《中国诗词大会》用粤语朗诵，全场拍烂手掌！

原标题：佢喺《中国诗词大会》用粤语朗诵，全场拍烂手掌！

近排《中国诗词大会》红到全国皆知！令阿爆印象最深刻嘅，除咗“文女”武亦姝之外，就莫过于来自广东汕头用粤语背古诗词嘅林於明。

《中国诗词大会》视频片段

粤语、上海话、陕西话、四川话、潮汕话

朗诵古诗，唔同嘅语言，都有唔同嘅韵味

地道广州口音都系古雅嘅粤音，“卒之”、“于是乎”、“抑或”、“到期时”、“皆因”...呢啲文绉绉嘅古字古词，竟然同一方之言自然糅合，用嚟朗诵实在最佳！

大学音韵学老师曾经分别用普通话同粤语朗诵杜甫嘅《登岳阳楼》：

昔闻洞庭水，今上岳阳楼。吴楚东南坼，乾坤日夜浮。

亲朋无一字，老病有孤舟。戎马关山北，凭轩涕泗流。

同一首诗，用普通话朗诵唔押韵，但用粤语朗诵就非常押韵。老师同我哋讲，唔少古诗词、甚至古代文献都系用各地语言方言嚟写，所以用普通话读就可能会冇咗韵味！

对于呢种语言现象，我哋都开咗个玩笑：如果诗圣杜甫复活，佢讲紧嘅可能就系一口纯正岭南“白话”。

几年前香港学生梁逸峰用粤语朗诵诗词，全网络爆红！好多人关注嘅系佢夸张嘅表情，但佢嘅抑扬顿挫、感情语气，可以话将诗词嘅意境表露无遗！

最后羊城网仲邀请咗广东著名音乐人陈辉权老师，用粤语朗诵李清照嘅《声声慢》，大家一齐感受下粤语朗诵嘅魅力！

陈辉权

为咗畀各位自己友可以感受到宋词同唐诗节律嘅唔同，陈辉权老师仲朗诵咗一首杜甫嘅《望岳》，后台回复【望岳】就可以欣赏啦！

视频素材来源：腾讯视频

部分图片素材来源于网络返回搜狐，查看更多

责任编辑：