超可愛日本姓氏排行榜 TOP10 | 您所在的位置:网站首页 › 日本人名字姓氏女孩 › 超可愛日本姓氏排行榜 TOP10 |
日本人嘅姓氏好似嚟去去都係「山」、「木」、「松」、「池」、「田」等等自然景物咁, 原來大家心入面都好希望自己有一個特別啲、可愛啲嘅姓氏! 雖然姓依啲嘢邊到有得改㗎(除非你因為好想改姓而嫁畀一個個姓好特別嘅人), 不過大家都話,冇得改,發吓夢都好!一齊睇吓大家覺得最可愛姓氏TOP 10係咩嘢啦!
第一位 姫野 (ひめの) 全日本只有1萬1千人姓姫野,大部分姓姫野嘅幸運兒都係住喺大分県~ 有人話依個姓係源於大分県嘅姫島神社,唔知係真唔係呢? 點解大家咁鍾意依個姓呢? 因為當你成個名咁讀嗰陣就會變成「姫野(ひめの)XX」, 女仔嘅話成個名嘅意思就係「公主嘅XX」、男仔就會係「守護公主嘅XX」, 例如你叫「姫野次郎」意思就係「「守護公主嘅次郎」;「姫野小明」就係「守護公主嘅小明」咁~~~
女嘅可愛,男嘅有型,唔怪之大家都咁想姓「姫野」~
第二位 胡桃 (くるみ) 胡桃…講起胡桃我諗十成十大家都同我一樣,淨係會諗起「胡桃夾子」! btw,「胡桃夾子」依個名又幾似日本人嘅名喎… 日本人話覺得胡桃(くるみkurumi)嘅發音好可愛… 嗯…我就唔想姓胡桃(糊塗?)啦! 一定會比同學笑!!!!
第三位 有栖(ありす) 有栖(ありすalisu)發音有啲似Alice, Alice?冇錯,就係「愛麗絲夢遊仙境」嗰個Alice啦~ 依個名一聽落就令人聯想到童話故事嘅主角, 榮登最可愛日本姓氏排行榜第三名!
第四位 姫宮 (ひめみや) 同一道理啦,有個「姫」字大家就覺得你好可愛㗎啦~
第五位 苺谷 (いちごだに、いちごたに) 唔知係咪因為水果系帶畀人一種可愛嘅感覺, 所以個姓有個「莓」字大家都會覺得你好卡哇意! (講開,《BLEACH》主角個名都係叫做いちごitigo,但完全唔覺得佢可愛www 兜翻先:佢係sell有型~~~)
並排第六位 初音 (はつね) 一聽到「初音」就淨係諗到初音未來! 冇錯的確好可愛~
並排第六位 早乙女 (さおとめ、さうとめ、そうとめ、そおとめ) 「早乙女」依個姓其實都唔算罕見,唔少名人都係姓早乙女 不過唔講都冇發現原來一樣係漢字「早乙女」,讀法竟然有成4種咁多!學到嘢啦~
第八位 姫川 (ひめかわ) 都話一有個「姫」字就上榜㗎啦!
第九位 林檎(りんご) 又係水果出現嘅時間啦~今次係小蘋果林檎醬~
第十位 渚(なぎさ) 第十位啱啱好上榜嘅係「渚」,送上《暗殺教室》最可愛嘅男主角比大家~~
講到尾,日本人覺得最可愛嘅元素不外符係公主、童話同水果(?)~ 如果比大家任改一個日本名,你地想叫咩名?
資料來源:https://ranking.goo.ne.jp
|
今日新闻 |
推荐新闻 |
专题文章 |
CopyRight 2018-2019 实验室设备网 版权所有 |