但可能未必明白呢啲职业又系点解！

差佬、差婆

解析：指代男警察、女警察，香港开埠后曾经揾印度人做警察。香港人叫印度人做“阿差”或“嚤啰差”"，印度籍贯警察就被叫做"差佬"，后来"差佬"就成为警察嘅代名词

三行佬

解析：旧社会广东嘅三行佬指泥水佬、斗木佬、搭棚佬，佢哋多来自社会草根，文化程度较低，工种粗重辛苦，大多不拘小节，顺口开河，满嘴粗言。

执仔婆

解析：唔系通街执仔嘅阿婆，而系指旧时接生婆，系咪觉得呢个翻译通俗简单又直接粗暴

大部分广东人都知道下边嘅职业

但可能未必知道下边啲职业！

妹仔

解析：大户人家嘅丫鬟、婢女，呢个睇过港剧嘅人都唔会陌生啦。

马仔

解析：喽啰、手下

四九仔、十四仔、二五仔

四九仔：正式入会但地位较低嘅帮派成员

十四仔：黑社会会员

二五仔：叛徒，吃里扒外嘅人

咖啡妹

解析：香港女交通辅警，因为制服系咖啡色，所以俗称咖啡妹

老泥妹

解析：本义系指边缘人，后引申形容身世凄惨，畸形滥交，流浪街头嘅女仔

鱼蛋妹

解析：指喺鱼蛋档从事卖淫嘅妓女，大部份系未成年少女

咸水妹

解析：晚清至民国年间寄居上海嘅广东妓女，专门接待洋人

住年妹

解析：年轻女佣，旧时过去香港打工嘅自梳女

仲有下边呢啲粤语特有嘅职业！

二叔公

解析：当铺嘅老柜员，因为年纪大，且长收买二手物品，所以被戏称为“二叔公”

大妗姐

解析：广东婚庆场合跟随新娘嘅临时使妈，负责服侍新娘、安排结婚礼俗、指引新人拜堂洞房等

鸡、鸭

解析：鸡系妓女嘅贬称，鸭系指男妓，与“鸡”相对

大耳窿

解析：放高利贷嘅人，因为香港早期有啲专门放高利贷嘅印度人,中意喺耳仔度穿耳窿，令耳窿好大,就有人将耳窿同债务嘅无底洞联想起身。

临记

解析：片场嘅临时演员

而讲到粤语之中，最独一无二嘅职业，肯定非港剧三天王莫属！！！

菠菜莲

卖鱼胜

猪肉荣

试问有边个唔服！

唔服，我哋喺评论区一战！

返回搜狐，查看更多