♥ 【MonkeybeeWedding】愛的宣言內容參考 愛的宣言是結婚用品中最受歡迎的一項，每一個婚禮不可缺少的道具之一，所以一張靚靚的愛的宣言，不但可以營造現場氣氛，更可帶給眾人無限驚喜，拍攝效果更一流。

1) 一生一世只愛妳 我愛(新娘名稱)情不變， 一生為奴無怨言，買餸煮飯我做先 洗衫拖地我都掂，家用俾足無拖欠 名牌任買隨得妳，最緊要係妳歡喜 唔嫖唔賭唔食煙，篤波賭馬問妳先 總之我由今日起，生命裡面只有妳 以後妳話點就點，立下此誓永不變！ (新娘名稱)、(新娘名稱)、我愛妳 (新娘名稱)、(新娘名稱)、我愛妳！ 2) 最聽話的老公 給至愛的老婆大人 (新娘名稱)： 經濟大權在妳手，每日廿蚊我就夠 洗衫煮飯無叫抖，做牛做馬又做狗 老婆生日年年有，一定送車又送樓 外母竹戰場場贏，斟茶遞水好幫手 豬朋狗友約飲酒，老婆say no無得走 見到靚女掉頭走，如果唔係打到嘔 努力搵錢養成竇，朝六晚九唔駛抖 床上功夫識唔夠，記得請教D老友 今日決定接妳走，與妳永遠長廝守 兒孫滿堂福氣夠，共諧連理到白頭！ 最聽話的老公仔 (新郎名稱)上 3) 肉麻情話 老婆 (名字)： 如果妳是一隻弧形彈性牙刷，俾我做妳唯一的牙膏，黏住妳； 即使妳是污衣籃，又如何？只需俾機會我成為一件污衣，又可向妳投懷送抱； 如果妳是大衣櫃，我想做衣櫃裡的燈，在妳內心發熱發亮； 即使妳是一幅磨損日久的柚木地板， 我多麼希望成為優質的水晶蠟，令妳時刻容光煥發； 我真的很愛妳，打從那一眼開始…我就屬於妳！ 老公 (名字) 4) 幸福承諾 自從俾我遇到妳 日日開心到飛起 每日都想黎接妳 行街送妳返屋企 做野做到攰到死 幫妳揼骨鍊大肶 家頭細務有我理 洗碗抹窗兼拖地 無論一餸定幾味 好唔好味都歡喜 朋友聚會預埋妳 唔會叫妳番屋企 成副身家比晒妳 就算每日得廿幾 永冇嗌交兼霎氣 日日諗計氹番妳 生仔生女隨妳喜 最想全家在一起 第時就算八十幾 老公都講我愛妳 5) 愛的宣言 諗番第一次見妳 覺得真係靚到痺 我決定會愛定妳 追到妳係我運氣 我愛(新娘名稱)情不變 一生為奴無怨言 買餸煮飯我做先 洗衫拖地我都掂 每月人工俾晒妳 我D零用由妳俾 由得妳發我脾氣 妳話咩都就哂妳 一定成日陪住妳 妳話凍就攬實妳 臨訓前我錫啖妳 然後再幫妳扲被 俾心機去照顧妳 娶到妳係我褔氣 總之我由今日起 生命裡面只有妳 立下此誓永不變 求老婆妳嫁比我

6) 老婆嫁比我 今日我要娶老婆，因為我已經大個。 最想有個安樂窩，仔仔女女一籮籮。 唔駛一世食白果，從此生活樂趣多。 老婆規矩雖然多，對我嚴厲要求苛。 終日囉囉又唆唆，對我日哦又夜哦。 但求老婆笑呵呵，一一遵守又如何。 成份糧比曬老婆，速磅cash快夾妥。 每月家用任妳駛，剩番散銀得幾個。 無得再飲酒唱歌，乖乖在家同妳磨。 捶骨推拿同按摩，家務我做快又妥。 洗衫煮飯唔懶惰，洗完碗切埋生果。 用完掃把用地拖，順手洗埋個廁所。 若然我有咩做錯，激到老婆把幾火。 跪地斟茶猛耳朵，以後只企唔敢坐。 日後唔敢口多多，求求老婆饒恕我。 將來我頭髮稀疏，大肚腩個背又駝。 痴癡呆呆戇夾傻，如果妳唔嫌棄我。 在座各位聽清楚，老婆老婆我愛妳！ 老婆老婆嫁俾我！

7) 鍚晒老婆仔 (新娘名)、(新娘名)我愛妳 老婆大人今日起，以後生活幸褔到痺。 供樓水電我咩起，我D零用由妳俾。 Prada、Gucci隨妳喜，最緊要係妳歡喜。 對妳家人體貼又入微，歡迎外母住埋我地屋企。 對妳朋友關照到飛起，介紹好仔俾佢地。 對妳我就溫柔到痺，生生世世陪住妳。 總之我由今日起，生命裡面只有妳。 (新娘名)、(新娘名)、我錫曬妳！ 8) 合約 見證人： 各位鄉親父老、叔伯兄弟、靚仔靚女 我 (新郎名 ) 娶靚老婆，洗衫煮飯唔厭多 買餸拖地兼按摩，做埋賓仔唔太過 全副身家歸你管，出糧過戶俾老婆 求求老婆幫幫我，快快趣趣生番個 咁樣唔算好太過，齊齊開心過世囉！ 總之我保證我會比之前更加愛妳、鍚妳、令妳成為呢個世界上最幸福快樂既x 師奶。 (新娘名) 我愛妳！ 一生一世愛妳既老公仔 (新郎名 ) 簽署：________________ (新郎名) 終身合約做賓仔 日期：________________ 9) 給最愛的老婆： 老婆今日我娶妳，從今以後鍚晒妳； 立志呢世養起妳，供樓水電我撐起； 開間鋪頭妳打理，家頭細務工人理； 要車要樓買得起，豪宅Benz由得妳； 家用幾萬閒閒地，妳老公我俾得起； 年年旅行周圍飛，名牌任買隨得妳； LV Gucci是但妳，總之以後只有妳； 兒孫滿堂靠晒妳，愛妳愛妳我愛妳！ 永遠愛妳的老公上 10) 我請在座各位鄉親父老、叔伯兄弟、靚仔靚女見證,  我 (新郎名 ) 今日娶靚老婆，決心以後會以愛老婆為榮，以背叛老婆為恥；以關心老婆為榮，以忽略老婆為恥； 以為老婆做飯為榮，以讓老婆做飯為恥；以真心疼老婆為榮，以故意氣老婆為恥； 以服從老婆為榮，以違背老婆為恥； 我保證我會比之前更加愛妳、鍚妳、令妳成為呢個世界上最幸福快樂既x 師奶。 (新娘名) 我愛妳！ 一生一世愛妳既老公仔 (新郎名 ) 11) 諗番起 初見你 覺得你 靚到痺  我決定 愛定你 拍拖時 我追你  追到我 索哂氣 追倒你 我運氣  你番工 我送你 你收工 我接你  一定要 陪住你 你話凍 攬實你  你話熱 開泠氣 有咩事 我撐你  臨訓前 唔鍚你 你罰我 唔扲被  一出糧 俾哂你 鍾意咩 買比你  唔夠錢 我黎俾 有假期 實陪你  你睇戲 我買飛 你遲到 唔怪你  但我遲 罰我企 做錯野 激嬲你  由得你 發脾氣 你話咩 就哂你  我去玩 預埋你 娶到你 我褔氣  俾心機 照顧你 我對你 唔做戲  講真話 唔呃你 不單只 淨愛你  重愛埋 你屋企 總知一句 我愛你