「穿搭增高法」 男生必學! 5個矮男視覺增高穿搭方法 唔使鞋墊都可以165cm穿出180cm高度 | 您所在的位置:网站首页 › 165男人穿搭 › 「穿搭增高法」 男生必學! 5個矮男視覺增高穿搭方法 唔使鞋墊都可以165cm穿出180cm高度 |
「穿搭增高法」 絕對矮男必學!亞洲人身高普遍較矮小係不爭嘅事實,雖然先天不足,但絶對可以後天補救,只要你穿搭得宜,矮男可靠視覺增高,唔使鞋墊都可以165cm穿出180cm高度!今次便教教一眾男生穿搭方法,如何以時裝配襯出高多10cm嘅方法。 撰文:NM賭俠|圖片來源:IG@Koreanmenstyle、Instagram、IG@Famous_Roy、Pinterest 「穿搭增高法」5個矮男必學穿搭術1.襪子增高法 襪子只要穿搭得好,有效令單薄下半身加強分量感,更有延伸效果、拉長整體身型比例!襪子最好拉到小腿下會是一個最好位置,因為小腿肌肉通常較為飽滿,所以襪子拉得太高會變得視覺上臃腫。至於襪子配長褲亦係可拉高身型比例嘅配搭,因為長襪大面積色系會令視覺上有延伸效果,所以一條9分褲配上長襪,有效令腿部線條更長。 2.貼身上衣增高法 雖然近年Oversized Tee相當大熱,但矮男上衣如tee或裇衫,唔好超過整個身高的二分之一,要選擇貼身款式,或是下擺前短後長,有效拉長身高視覺。若穿外套的話,記緊要露出腰線,唔好扣滿外套嘅鈕。 3.九分褲增高法 可以將tee的一角或全部tuck in入褲內,褲款可選擇中腰或高腰,唔好選擇低腰,因為會令腰線拉低。同時要留意褲管闊度,矮男要避開wide pants,褲管闊度要適中,太窄都唔得。 4.低筒鞋增高法 矮男買鞋最好選擇低筒,因為高筒鞋會遮住腳踝,影響腳部線條比例,會令矮男視覺上更矮。 5.髮型增高法 矮男髮型固然相當緊要,唔好留長頭髮,髮型可undercut或gel起,拉高視覺比例。
同場加映 「色彩心理學」著衫顏色透露性格! 愛著黑色代表獨立智慧? |
CopyRight 2018-2019 实验室设备网 版权所有 |